Proverbs 3

1माझ्या मुला, माझ्या आज्ञा विसरु नकोस,
आणि माझी शिकवण तुझ्या हृदयात ठेव;
2कारण त्यापासून दीर्घायुष्य, वयोवृद्धी
आणि शांती ही तुला अधिक लाभो.

3विश्वासाचा करार आणि प्रामाणिकपणा तुला कधीही न सोडो,

त्यांना एकत्र करून आपल्या गळ्यात बांध,
त्या आपल्या हृदयाच्या पाटीवर लिहून ठेव.
4म्हणजे तुला देवाच्या व मनुष्याच्या
दृष्टीने कृपा व सुकिर्ती ही मिळतील.

5तू आपल्या सर्व अंतःकरणाने परमेश्वरावर विश्वास ठेव.

आणि तुझ्या स्वत:च्या ज्ञानावर अवलंबून राहू नकोस;
6तुझ्या सर्व मार्गात त्याची जाणीव ठेव,
आणि तो तुझ्या वाटा सरळ करील.

7तू आपल्याच दृष्टीने ज्ञानी असू नकोस;

परमेश्वराचे भय धर आणि वाईटापासून दूर राहा.
8हे तुझ्या शरीराला आरोग्य
आणि तुझ्या हाडांना सत्व असे होईल.

9तुझ्या संपत्तीने आणि

तू आपल्या सर्व उत्पन्नाच्या प्रथमफळाने परमेश्वराला मान दे,
10त्याने तुझी कोठारे समृद्धीने भरतील
आणि तुझी पिंपे नव्या द्राक्षारसाने भरून वाहतील.

11माझ्या मुला, परमेश्वराची शिस्त तुच्छ मानू नको,

आणि त्याच्या शासनाचा व्देष करू नकोस,
12कारण परमेश्वर ज्यांच्यावर प्रीती करतो त्यांनाच तो शिस्त लावतो,
जसा बाप आपल्या आवडत्या मुलाला शिक्षा करतो.

13ज्या कोणाला ज्ञान सापडते तो सुखी आहे,

त्याला ग्रहणशक्ती सुद्धा प्राप्त होते.
14ज्ञानापासून जी काय वाढ होते त्याची प्राप्ती परत मिळणाऱ्या रुप्याच्या प्राप्तीपेक्षा चांगली आहे,
आणि त्याचे फायदे उत्कृष्ट सोन्यापेक्षा चांगले आहेत.

15ज्ञान रत्नांपेक्षा अधिक मौल्यवान आहे.

आणि तुम्ही त्यांची अपेक्षा कराल त्याची तुलना तिच्याशी होऊ शकणार नाही.
16तिच्या उजव्या हातात दीर्घ आयुष्य आहे,
तिच्या डाव्या हातात संपत्ती आणि सन्मान आहेत.

17तिचे मार्ग दयाळूपणाचे मार्ग आहेत

आणि तिच्या सर्व वाटा शांतीच्या आहेत.
18जे कोणी तिला धरून राहतात त्यांना ती जीवनाचे वृक्ष आहे,
जो कोणी ते धरून ठेवतो तो सुखी आहे.

19परमेश्वराने पृथ्वीचा पाया ज्ञानाने घातला,

परमेश्वराने ज्ञानाने आकाश स्थापिले.
20त्याच्या ज्ञानाने खोल जलाशय फुटून उघडले,
आणि ढग त्याचे दहिवर वर्षते.

21माझ्या मुला, सुज्ञान आणि दूरदर्शीपणा ही सांभाळून ठेव,

आणि ती दृष्टीआड होऊ देऊ नकोस.
22ते तुझ्या आत्म्याला जीवन देतील.
आणि ते तुझ्या गळ्याभोवती घालण्याचे कृपेचे अलंकार होईल.

23नंतर तू आपल्या मार्गाने सुरक्षितपणे चालशील

आणि तुझ्या पायाला ठेच लागणार नाही;
24तू जेव्हा झोपशील, तेव्हा घाबरणार नाहीस;
तू झोप घेशील तेव्हा तुझी झोप गोड होईल.

25जेव्हा दुष्टाकडून नाशधूस होईल त्यामुळे

किंवा अचानक येणाऱ्या दहशतीस घाबरू नकोस;
26कारण परमेश्वर तुझ्या बाजूस आहे
आणि तुझा पाय पाशात अडकण्यापासून सांभाळील.

27ज्यांचे हित करणे योग्य असून ते जेव्हा तुझ्या अधिकारात असल्यास,

ते करण्यापासून माघार घेऊ नकोस.
28तुझ्या शेजाऱ्यास असे सांगू नको,
“जा, आणि पुन्हा ये, आणि उद्या मी तुला देईल”
जेव्हा तुझ्याजवळ पैसे आहेत.

29तुमच्या शेजाऱ्याला त्रास देण्याची योजना आखू नका.

जो तुझ्याजवळ राहतो आणि तुझ्यावर विश्वास ठेवतो.
30काही कारण नसताना तू एखाद्या माणसाशी वाद करू नको,
जेव्हा त्याने तुझे काहीही वाईट केलेले नाही.

31तू हिंसाचारी माणसाचा हेवा करू नको

किंवा त्याचे कोणतेही मार्ग निवडू नकोस.
32कारण परमेश्वर कुटिल माणसाचा तिरस्कार करतो;
परंतु सरळांना तो त्याच्या आत्मविश्वासात आणतो.

33परमेश्वराचा शाप दुर्जनाच्या घरावर असतो;

परंतु तो नितीमानाच्या घराला आशीर्वाद देतो.
34तो थट्टा करणाऱ्याची थट्टा करतो,
पण तो नम्रजनास त्याची कृपा देतो.

ज्ञानी सन्मानाचे वतनदार होतील,

पण मूर्ख त्यांच्या लज्जेत वर उचलले जातील.
35